Ginkumpirma sang Senado subong nga Hunyo 11 nga na-hack ang ila website.
Suno sa senado, padayun ang imbestigasyon sang ila technical team agud mahibaluan ang mga tawo nga yara sa likod sang nasambit nga akto.
Ila man ginpakigbahin nga mas mangin hugot pa ang ila mangin security protocols agud malikawan ang kaangay nga insidente.
Nahibaluan nga wala man sang confidential ukon sensitive information ang nakuha sang nasambit nga pag-hack.
Nagpakilala naman nga Nullsec Philippines ang grupo nga nag-hack sang senate website kun sa diin nagbilin pa ini sang mensahe.
