Ginpanugyanan sang Department of Interior and Local Government ang mga local government unit nga kuhaon ang window hours sa mga merkado kag mga grocery tour bangud nangin paagi ini agud makatililipon ang madamo nga tawo sa isa ka lugar.
Suno kay Department of Interior and Local Government Secretary Eduardo Año, indi nagakadapat nga ipatuman sang mga LGU ang window hours bangud ginalapas sini ang panugyan sang gobyerno sa pagsunod sa Physical distancing agud malikawan nga maglapta ang Coronavirus Disease 2019.
Dugang sang natungdan, nagakadapat nga pahanugutan ang publiko nga makabakal sang ila mga suplay sa sulod sang 12 ka oras agud malikawan ang pagdinaguso sang mga tawo sa merkado.
Santo sa pahayag ni Año wala sang “hard rule” sa pag isyu sang mga quarantine pass apang gin-athag niya nga ang kada tiglawas sang mga panimalay ang tugutan nga makabakal sang ila pagkaon kag iban pa nga mga kinahanglanon apisar nga wala sang pass.
