Ginkumpirma ni Ukrainian President Volodymyr Zelenskiy nga nakaistorya na siya kay President Ferdinand “Bongbong” Marcos paagi sa phone call.
Ini ang una nga tawganay sa maragtas sang bilateral relations sang Pilipinas sa Ukraine.
Suno pa sa presidente, nadiskusyunan nila ni Marcos kun paano padalumon pa ang kooperasyon sa duha ka pungsod ilabi na sa international platforms.
Antes sini, ginpahayag sang charge’ d’affaires sang Embassy of Ukraine sa Malaysia nga naga-reach out ang Ukraine sa Pilipinas halin pa sang Hunyo 2022 apang wala nagasabat ang opisina ni Marcos. Nagsabat ang Department of Foreign Affairs (DFA) sang amo nga tion nga ginasunod ang husto nga proseso antes matigayon ang pag-istoryahanay sang duha ka lider.
Una naman nga nagpahayag si Marcos nga wala sang problema ang Philippine government sa Ukraine bangud suportado sini ang anuman nga tikang para sa kalinong sang kalibutan.##
