ILOILO CITY – Lunsay negatibo ang 10 sa 20 ka mga naka-angkon sang close contact sa isa ka Locaaly Stranded Individual nga nagpauli sa Brgy. Ingore, La Paz, Iloilo City.
Sa interview sang Bombo Radyo kay Punong Barangay Jonathan Jalandoni sang nasambit nga lugar, iya ginpahayag nga 10 na lang ka confirmatory result ang ginahulat.
Isa sa 10 ka mga naka-angkon sang close contact nga nauna na nga nagnegatibo sa confirmatory test amo si Tanod Commander Rodolfo Jadulos nga nakabalik naman sa trabaho.
Ginpahayag ni Jalandoni nga mahimo nga ang nabilin nga resulta sang confirmatory test ang ipaguwa sang Department of Health sa masunod nga inadlaw.
Kalabanan sa mga naka-angkon sang close contact sa Locally Stranded Individual nga si alyas Jong-Jong ang nagapauli sa relocation site sa Barangay Ingore.
Nahibalu-an nga nauna na nga nagpangayo sang pasaylo kay Mayor Jerry Treñas si alyas Jong-Jong bangud nga wala siya gilayon nagpaidalom sa Rapid test sang nag-abot siya sa Iloilo halin sa Metro Manila kag ulihi na lang natukiban nga nagpositibo sa COVID-19.
