Ginpaidalom sa swab test ang 112 ka personnel sang Camp Hernandez sa Dingle, Iloilo.
Sa interview sang Bombo Radyo kay Captain Hazel Joy Durotan, Civil-Military Operations Officer sang 301st Infantry Brigade sa Dingle, Iloilo, iya ginpahayag nga katuyuan sini nga mapasigurado ang safety sang ila mga personnel nga nagaduty ilabi na sa mga quarantine control points.
Suno kay Durotan, sa 112 nga personnel, nag-abot na ang resulta sang swab test sang 89 sa diin lunsay negatibo ang mga ini.
Ang nabilin nga 23 naman ang nagahulat pa sang ila nga resulta.
Sa subong suno kay Durotan, may yara lamang sila sang isa ka personnel nga positibo sa COVID-19 sa diin istrikto ini nga ginhome quarantine kag padayon pa nga ginamonitor.
Dugang pa sang natungdan, nakahanda man sila sa tion nga may magpositibo pa sa virus sa diin may yara man sila sang kaugalingon nga isolation building kag nakastandby nga medical personnel.
