ILOILO – May yara sang 13 ka mga barangay sa syudad sang Iloilo nga gin identify ang Bureau of Fire Protection nga ginakabig high risk sa sunog.
Ini ang kadungan sang paglunsyar nila sang ila programa nga amo ang Oplan Ligtas Pamayanan bilang kabahin sang pagsaulog sang Fire Prevention Month sa bulan sang Marso.
Sa interview sang Bombo Radyo kay, Fire Chief Inspector Melanie Habawel, sang Bureau of Fire Protectio 6 iya ginpahayag ang 13 ka barangay ang sentro man sang ila programa kag ini ang ang nakabase sa nagkalain-lain nga Fire substation sa syudad
Una diri ang Alta Tierra Fire Substation nga magatutok sa Brgy. Cubay, Jaro Iloilo City, Bo. Obrero Fire substation sa Brgy. Alalasan, Calumpang Fire substation sa Brgy. Calumpang, Iloilo City Central Fire substation sa Zamora Melleza kag Rima Rizal, Jaro Fire substation sa Brgy. Desamparados, Lapaz Fire substation Brgy., Rizal, Mandurriao Fire substation sa Brgy. Bakhaw, Molo Fire substation sa North Baluarte, San Isidro Fire substation sa Taytay zone 2, Sto Niño Fire substation Brgy. Sto Dominggo, Tagbak Fire substation sa Brgy. Balantang.
Suno kay Habawel may yara sila sang apat ka pagsulundan agud makabig nga fire prone ang isa ka lugar, una diri ang Red nga amo ang mga lugar nga may yara sang 60-100% nga mga panimalay nga himo sa light materials, ika duha amo ang Orange ukon Moderate nga may yara sang 30-60% nga panimalay nga himo sa light materials, ikatatlo Yello ukon Mildly vulnerable nga ay yara sang 80-100% mga panimalay nga himo sa concrete kag steel, ikaulihi amo ang Blue ukon ang safe zone.
Dugang sang natungdan, bilang kabahin sang ila programa Oplan Ligtas Pamayanan magapatigayon sila sang house to house inspection sa mga nasambit nga lugar nga ginakabig high risk sa sunog, may yara man sang hazard mapping, pag identify sang exit nga mahimo guluwaan nila sa tion nga may magluntad nga sunog.
May yara naman sang gina organisa nga Community Fire Auxilliary Group nga amo ang una nga maga responde sa ila mga barangay sa tion nga may magluntad nga sunog.
