Gin-report sang World Health Organization nga ginabanta 15,000 ka mga tawo ang nagkalamatay sa Europa sa 2022 bangud sa tuman ka init nga tyempo.
Suno sa amo nga report, ang na-rekord nga pinakamainit nga mga binulan sa Europa amo ang Hunyo tubtub Agusto nga nagtuga sang worst drought sa kontinente.
Ginapahayag 4,000 sa mga napatay ang nagikan sa Spain, masobra 1,000 sa Portugal, masobra 3,200 sa United Kingdom, kag ginabanta 4,500 sa Germany.
Base ini sa report sang health authorities sang tagsa ka pungsod sa tatlo ka bulan nga summer
Sunod sunod ang heatwaves sa tunga-tunga sang Hunyo tubtub Hulyo kun sa diin nagdangat sa 40 degrees Celsius (104 degrees Fahrenheit) ang temperatura sa Britanya sa labing-una nga tion.
Suno pa sa WHO, ang nagpanguna nga rason sang weather-related death sa European Region amo nga Heat Stress ukon ang kondisyon kun sa diin ini na masarangan sang lawas sang tawo nga palamigon ang kaugalingon.
Delikado man suno sa WHO ang mainit nga tyempo para sa mga tawo nga nagasuprer sang chronic heart disease, breathing problems, kag diabetes.
