Ginpasalig sang Department of Education (DepEd) nga may masayluhan nga mga eskwelahan ang apektado nga Grade 11 students kasunod sang mandu sang Commission on Higher Education (CHED) sa state and local universities nga untaton na ang ila senior high school program.
Suno kay DepEd Assistant Secretary Francis Bringas, daku nga numero ang 17,700 apang kabug-usan na ini sa pungsod kag lapta-lapta sa masobra 70 ka schools division offices.
Gin-report sang DepEd regional offices suno sa iya nga kada public school division ang mahimo maka-akomodar sang average nga 250 learners, bastante na agud maka-akomodar man sang 17,700 nga incoming Grade 11 students.
“For non-voucher recipients, it appears from our database that around 17,700 Grade 11 learners are enrolled in SUCs and LUCs (nationwide) this school year. Nonetheless, based on the reports of our Regional Directors, our public schools will be able to accommodate those that may be displaced,” pahayag naman ni Education spokesperson Undersecretary Michael Poa.
Disyembre 29 sang nagpaguwa ang CHED sang memorandum nga nagasulit sang anay order sini nga ang engagement sang state universities and colleges kag local universities and colleges sa basic education partikular sa senior high school ang limitado lamang sa K-12 transition period nga amo ang halin sa School Year (SY) 2016-2017 tubtub sa SY 2020-2021. #
