Gin-deport na sang Pilipinas ang 180 ka Chinese nationals nga nadakpan sa raid sa Philippine Offshore Gaming Operator (POGO) hub sa Pasay City.
Suno kay Immigration Commissioner Norman Tansingco, wala sang gina-uyatan nga nagakaigu nga immigration documents ang amo nga Chinese nationals kag nalakip sila sa masobra 731 nga nakit-an sang otoridad sa Smart Web Technology Corp. POGO hub sang Oktubre.
Ang amo nga pasilidad ang gina-angot sa human trafficking kaangay sang prostitution kag labor exploitation kag isa man ka gambling den kun sa diin may na-rescue man nga mga Pinay kag foreign nga mga babayi.
Ginlakip sang Bureau of Immigration ang amo nga foreigners sa lista sang blacklisted aliens, ginpabalik sa Shanghai, China, kag gin-isyuhan man sang summary deportation order bangud sang iligal nga pag-trabaho diri sa Pilipinas.
Ang Smart Web nga gintiniran sang amo nga Chinese nationals ang nalakip sa duha ka POGOs nga ang lisensya gin-revoke sang Philippine Amusement and Gaming Corp.#
(Photo: Jam Sta. Rosa, AFP )
