Napaidalom na sa kustodiya sang Bureau of Internal Revenue (BIR) ang 19 ka mga salakyan nga konektado sa 7. 18 billion tax liabilities sang mga kontraktor nga sanday Curlee kag Sarah Discaya.
Ini matapos nga na turn-over na ang mga ini sa Bureau of Customs (BOC).
Ginpaidalom sa constructive distraint ang 15 ka mga salakyan samtang apat naman ang ginpaidalom sa constructive seizure agud ma-preserve ang mga ini samtang nagapadayon ang imbestigasyon.
Kaangot man ini sa paghimakas nga makolekta ang buwis batok sa construction firm sang mag-asawa.
Ang ini nga mga salakyan ang kabahin sang 32 ka mga units nga una na nga nakuha sang Bureau of Customs (BOC) sang tuig 2025.
Nagapreparar naman ang Bureau of Internal Revenue (BIR) sang criminal complaint batok sa mga Discaya kag nagapanukot ang mga ini sang masobra 998 milyon pesos para sa dugang nga kakulangan sang buwis halin sa ila nga kompanya.
