ILOILO – Wala sang kamatuuran nga gin-hostage sang amay ang iya duha ka anak nga lalaki sa Barangay Compo, San Enrique, Iloilo.
Ang bana amo si alyas Jan, 31.
Ang mga kabataan ang naga-edad sang walo kag 10 ka tuig.
Sa interview sang Bombo Radyo kay alyas JP, abyan sang amay, iya ginpahayag nga ang mga kabataan mismo ang naghimo-himo sang drama nga gin-hostage sila sang ila amay.
Suno kay alyas JP, luyag sang mga kabataan nga magpauli na ang ila iloy nga nagatrabaho sa Saudi Arabia.
Magluwas diri, ginpakigbahin man ni alyas JP nga naglain ang buot sang amay bangud sa ginapahayag nakita nga sensitibo nga video sang iya asawa.
Apang gin-athag ni alyas JP nga wala siya makakita sang nasambit nga video.
Ginpahayag sini nga mangin si San Enrique Mayor Trixie Fernandez ang nagpadulong man sa lugar agud masigurado ang safety sang mga kabataan.
