𝗦𝗔𝗡 𝗘𝗡𝗥𝗜𝗤𝗨𝗘, 𝗜𝗟𝗢𝗜𝗟𝗢 – Padayon pa nga ginapangita sang mga otoridad ang tatlo ka mga suspek nga nag-hold up sa fish vendor sa Barangay Camiri, San Enrique, Iloilo.
Ang biktima amo si Angelyn Pabilona, 42, residente sang Barangay Cabugao Viejo, San Enrique, Iloilo.
Kaupod man sini ang iya mga kabulig nga sanday Mark Serbesa kag John Biona.
Suno kay Police Lieutenant Christy Val Dalde, hepe sang San Enrique Municipal Police Station, naghalin sa Passi City ang biktima kaupod sang iya duha ka mga tinawo sakay sang tricycle.
Ginpahayag ni Dalde nga ginbangga-an sang mga suspek ang mga biktima kag gintayaan sang armas kag espading.
Gilayon naman nga nagpalagyo ang mga suspek matapos nakuha ang kwarta nga nagadangat sa P159,000.
-𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗛𝗮𝗻𝗻𝗮 𝗝𝗼𝘆 𝗔𝗻𝗱𝗮𝘀𝗮
