CONCEPCION, ILOILO – Gindula ni Concepcion, Iloilo Mayor Raul Banias ang kahangawa sang publiko may kaangtanan sa tatlo ka mga persona nga naka-angkon sang close contact sa mag-asawa nga nagpositibo sa Coronavirus Disease 2019 (COVID-19) sa Pavia, Iloilo.
Sa interview sang Bombo Radyo kay Banias, iya ginpahayag nga antes pa man nakapaguwa sang kumpirmasyon ang Department of Health, nakapauli na sa Concepcion ang tatlo ka mga persona nga nagatrabaho sa isa ka micro-finance company sa Pavia.
Suno kay Banias, gilayon nga ginpatigayon ang contact tracing kag ginpaidalom sa isolation ang tatlo nga nagapabilin nga asymptomatic agud nga indi mabutang sa peligro bisan ang ila pamilya.
Ginpahayag ni Banias nga nakuhaan naman sang swab test ang tatlo kag ginahulat na lang ang resulta.
