Ginkumpirma sang Philippine Consulate sa Hongkong nga may ikatatlo na nga kaso sang Pilipino nga nagpositibo sa Coronavirus Disease 2019.
Suno sa Centre for Health Protection sang Hongkong Health Department, isa ka 57-years old nga household service worker ang Pinay nga nalatnan sang COVID-19.
Siya ang ika-103 nga kaso sang sakit sa nasambit nga lugar sa diin ika-76 naman nga kaso ang iya amo.
Nahibaluan nga may yara sang travel history ang Pinay sa Fook Wai Ching She Buddhist temple sa diin may yara sang na record nga kaso.
Sa subong padayon na siya nga ginabulong sa isa ka hospital sa Hongkong kag yara na sa maayo nga kondisyon.
