Patay ang isa ka senior citizen nga iloy matapos ginlampusan sang tubo sa ulo sang iya kaugalingon nga anak sa Brgy. Guindapunan, Catbalogan City, Samar.
Ang biktima amo si alyas Feli,79-anyos, isa ka biyuda, samtang ang suspek amo si alyas Anik, 45-anyos.
Naggwa sa imbestigasyon nga nagbaisay ang mag-iloy tubtob nga ginsakit sang suspek ang biktima paagi sa makapila ka beses nga paglampos sang tubo sa ulo sini.
Nadala pa sa ospital ang tigulang apang wala na natabangan pa.
Napreso naman ang suspek kag nagapangatubang sang kaso nga parricide.
