Aminado ang Department of Health nga indi pa nila masarangan nga malab-ot ang target nga 8,000 tests kada adlaw para sa Coronavirus Disease 2019 sa katapusan sang Abril.
Suno kay Department of Health Undersecretary Maria Rosario Vergeire, sa subong ginabanta sa minimum nga 2,895 tubtob 6,420 test kada adlaw lang ang kapasidad sang mga certified nga laboratoryo sa pungsod.
Madumduman nga una na nga ginpahayag sang Department of Health nga importante nga mapasangkad ang testing capacity sang pungsod agud mas makita ang matuod nga sitwasyon sang COVID-19 infection sa Pilipinas.
Sa subong, may yara lang sang 19 ka mga certified laboratory para sa Covid-19 testing sa pungsod.
Naka pending pa ang pila ka aplikasyon sang mga ospital agud ma sertipikahan bilang pasilidad.
