Anomalya sa Western Visayas Medical Center, gin-imbestigaran na sang DoH

ILOILO CITY – Ginsuguran na sang Deparment of Health (DOH) central office ang imbestigasyon sa Westen Visayas Medical Center WVMC).
Suno kay Dr. Joseph Dean Nicolo, medical chief sang WVMC, katuyuan sang pagpadulong sang DOH Central Office ang pagpangusisa sa mga isyu sa nasambit nga ospital.
Ginpahayag ni Nicolo nga nagpatigayon sila sang exit conference kaupod ang DoH agud mahibaluan ang resulta sang re-evaluation sa mga isyu sa ospital kaangay sang pagnubo sang ginabaton nga share sa PhilHealth sang mga medical staff kag pagbakal sang overpriced nga mga bulong kag equipment nga wala nag-agi sa bidding.