Naglab-ot na sa 43 ka mga banwa sa Western Visayas ang nalakip sa election hotspot areas sang Philippine National Police.
Sa sini nga numero, 4 ang ginpaidalom sa Red Category ukon mga banwa nga may yara sang intense political rivalry,election related violence, kag may presensya sang armado nga grupo kaangay sang NPA kag mga terorista.
Ini ginalakipan sang Lemery, Calinog kag Maasin sa Iloilo kag Moises Padilla sa Negros Occidental.
23 naman ang nalakip sa Orange Category ukon ang mga lugar nga may armado nga grupo kag may narecord nga election related violence kag intense political rivalry.
Ini ginalakipan sang Tubungan, Igbaras, San Joaquin, Miagao, Alimodian, Janiuay, Lambunao, Leon kag Bingawan sa Iloilo; Sibalom, Valderrama, San Remegio, Culasi, Hamtic,kag Sebaste sa Antique; Cuartero, Tapaz, kag Maayon sa Capiz; kag Himamaylan, Hinoba-an, Toboso, Isabela, kag Kabankalan City sa Negros Occidental.
16 naman ka lugar ang nalakip sa Yellow Category ukon mga lugar nga may election-related violence kag may intense political rivalry.
Ini ginalakipan sang New Lucena, Sara, San Dionisio kag Estancia sa Iloilo; kag Don Salvador Benedicto, Calatrava, Cauayan, Escalante, EB Magalona,Silay City, Hinigaran, Binalbagan, Candoni, Ilog, La Castellana, kag Sipalay City sa Negros Occidental.
