ILOILO CITY – Madugay na nga wala gina istaran ang mga pamalay sa Uswag Subdivision sa San Isidro Jaro Iloilo City nga ginbawi sang Iloilo City Urban Poor Affairs Office (ICUPAO).
Ini ang kaangot sa natabo sa isa ka relocatee nga si Pacita Madrigal sa diin ginpa-revert ukon ginpabalik sang ICUPAO ang gin award sa iya nga balay.
Sa interview sang Bombo Radyo kay Cynthia Angelo, site coordinator sang Block R19H1, iya ginpahayag nga madugay na nila nahibaluan nga wala gina istaran ni Madrigal ang iya balay kag ginatugyan lang niya ini sa iya kasilingan.
Wala man sang gamit suno sa natungdan ang balay ni Madrigal.
Apang sang natiktikan ni Madrigal nga bawion sang ICUPAO ang iya balay, gilayon niya ini nga ginpabutangan sang kurtina kag gamit.
Wala man suno sa natungdan ginsapak sang tagbalay ang notice ang ICUPAO rason nga napilitan sila nga bawion ang gin-award nga balay.
