Nagpasalig sa liwat ang American boxer kag WBA welterweight champion Keith Thurman nga iya pagadepensahan ang iya career kag iya igapanumbalik ang iya anay performance paagi sa paglutos kay 8th division champ Manny Pacquiao sa ila palaabuton nga away sa Hulyo 21.
Madumduman nga ulihi nga nagsulod si Thurman sa ring sang nagligad nga Enero sa iya nga away batok sa American boxer nga si Josesito Lopez kun sa diin iya ini nga ginlutos.
Sa subong si Thurman ang underdog batok kay Pacquiao nga sa pihak sang edad,nagapabilin sa gihapon nga isa ka world-class fighter.
Suno kay Thurman hindi option para sa iya ang pagkapirde kag luyag nya nga makuha ang kadalag-an paagi sa technical knockout (TKO).
