ILOILO CITY – Ginreklamo sang isa ka manunudlo ang iya bilas matapos ginkuhaan sang video samtang nagapaligo sa Sto Niño Norte Arevalo Iloilo City.
Ang biktima amo si Ma’am Inday, 29 anyos kag manunudlo sa isa ka elementary school samtang ang suspek naman amo si Norberto, 32 anyos kag brother in law sang biktima.
Sa interview sang Bombo Radyo kay Police Staff Sgt Peter John Velez, imbestigador sang Arevalo Police Station, iya ginpahayag nga samtang nagapaligo ang biktima, may nakita ini nga puti nga cellphone sa sulod sang banyo.
Suno kay Velez, natumod sang manunudlo nga ang cellphone ang ginapanag iyahan sang iya bilas.
Gilayon naman nga nagpalagyo ang suspek matapos ang insidente.
Sa subong, ginahulat pa sang mga otoridad kun pasakaan sang kaso sang manunudlo ang iya bilas
