ILOILO CITY – Ginpaidalom na sa state of calamity ang Syudad sang Iloilo bangud sa padayon nga pagtaas sang kaso sang dengue hemorrhagic fever.
Sa interview sang Bombo Radyo kay Iloilo City Councilor Love Baronda, chairman sang committee on social services kag acting majority floor leader sa Iloilo City Council, iya ginpahayag nga unanimously approved ang resolusyon sang City Disaster Risk Reduction and Management Council nga ipaidalom sa State of Calamity ang Syudad sang Iloilo.
Nahibaluan nga isa sa mga basehan sa pagdeklara sang State of Calamity amo nga kun may extremely high incident sang communicable kag non-communicable disease sa diin halimbawa na diri ang dengue outbreak.
Suno kay Baronda, ini ang nagakahulugan nga mahimo na magamit ang quick response fund nga nagadangat sa P34 million.
Magluwas sini, may ginpain ang man Iloilo City Government nga P10 million nga trust fund.
Ang nasambit nga mga kantidad ang inugbakal sang misting machine, fogging machine, larvicides, kag mga dengue testing kits.
Nahibaluan nga humalin ang Enero 1, 2019 tubtub sa Hulyo 23, 209, nagdangat na sa 1, 119 ang narekord nga dengue cases sa sa Syudad sang Iloilo sa diin siyam na ang patay.
Samtang santo sa Iloilo City Health Office, nagtimbuok na sa 462. 3% ang dengue cases sa bug-os nga Syudad sang Iloilo.
Matandaan na una na nga nagdeklara sang state of calamity sang nagligad nga semana ang Probinsya sang Iloilo bangud man sa dengue sa diin 24 na ang patay.
