ILOILO CITY– Nakabalik na sa pagtrabaho si Iloilo Governor Arthur Defensor Jr. matapos na hospital.
Sa interview sang Bombo Radyo kay Defensor, iya ginpahayag nga sang Biyernes, nagdesisyon siya nga magpa check-up bangud sa paglain sang iya pamatyag.
Suno kay Defensor, nagpa test siya kag santo sa resulta, may yara siya sang previous exposure sa Dengue Hemorrhagic Fever.
Ginpanugyanan siya sang doktor suno kay Defensor nga magpa-admit na lang sa hospital agud mapaidalom sa monitoring.
Sang Biyernes sang hapon tubtob kahapon sang hapon, ginpahayag sang gobernador nga gin-admit siya sa hospital.
Matapos nakompirma nga wala siya sang Dengue, ginpakamaayo sang natungdan nga magbalik sa trabaho agud nga makatambong sa flag raising ceremony sang Iloilo Provincial Capitol kaina sang aga.
Samtang, ginpahayag man ni Defensor nga may pagnubo na sa kaso sang Dengue sa probinsya sang Iloilo kag nagahingyo sa publiko nga padayunon ang pagpaninlo sa palibot agud matapna ang pagduging sang nasambit nga balati-an.
