ILOILO– Wala pa sang kasiguraduhan ang pagpatukod sang Iloilo-Guimaras bridge.
Sa exclusive interview sang Bombo Radyo kay Ilonggo Senator Franklin Drilon, iya ginpahayag nga wala pa natapos ang feasibility study nga ginapatigayon kun sa diin gina diskusyunan ang plano nga pagpatukod sa nasambit nga imprastraktura.
Suno kay Drilon gina ginapatigayon nga feasibility ang ginpondohan sang China kag wala indi sya sigurado kun ini ang magapadayon.
Dugang ni Drilon, kun sya ang pamangkuton may yara sang ikasarang ang Pilipinas nga pondohan ang pagpatukod sang nasambit nga tulay nga wala naga pangayo sang bulig sa iban nga pungsod bangud ini ang malip-ot lang kag wala nagakinahanglan sang tuman ka dako nga budget.
Gitindugan ni Drilon nga nagakadapat madayon ang pagpatukod sang nasambit nga tulay bangud nabutang sang alang-alang ang kabuhi sang mga tawo nga adlaw-adlaw nagatabok Iloilo-Guimaras vice versa.
Suno pa sa natungdan, makabulig man ini sa pagpabaskog sang turismo sang duha ka probinsya.
