ILOILO CITY – Nagakadapat nga bag-uhon ang pagsulundan may kaangtanan sa pagpatuman sang Good Conduct Time Allowance Law.
Sa interview sang Bombo Radyo kay Senator Franklin Drilon, Senate Minority Leader, iya ginpahayag nga nagakadapat nga indi lang ang Bureau of Corrections Chief ang mahatag sang desisyon natuhoy sa pagpaguwa sa mga preso nga napamatbatan sang reclusion perpetua.
Suno kay Drilon, nakabutang sa pagsulundan nga kun reclusion perpetua ang pamatbat, nagakadapat nga ihatag sa Secretary of Justice ang pinal nga desisyon nga maathag nga wala ginsunod ni anay Bureau of Corrections Chief Nicanor Faeldon.
Samtang, ginakabig naman ni Drilon nga wala sang kamatuoran ang mga akusasyon sang Malacañang batok sa Aquino administration nga madamo ang mga nakaguwa nga kriminal bangud sa GCTA Law.
Suno sa Ilonggo Senator, mas madamo ang high profile inmate nga nakaguwa sa idalom sang Duterte administration.
