ILOILO– Dako ang nangin epekto sang nagluntad nga Iloilo Strait Tragedy sa turismo sang Guimaras.
Sa interview sang Bombo Radyo kay Liberty Ferrer, Senior Tourism Operation Officer sa probinsya sang Guimaras, iya ginpahayag nga nagnubo sang 78% ang turismo sang probinsya.
Gin-athag man ni Ferrer nga sa subong, wala pa sang may nagsirado nga resort bangud sa malaka nga pag-abot sang customer.
Isa man sa mga rason kun nga-a nagnubo ang porsyento sang mga turista nga nagapadulong sa Guimaras amo ang naga lain-lain nga schedule sang biyahe sang pump boats.
Suno sa natungdan, nagalaum sila nga sa bulig sang Philippine Coast Guard kag Maritime Industry Authority, mahitso na ang schedule sang biyahe sang mga pump boat agud nga indi man magtuga sang huol sa mga pasahero.
Ginpasalig ni Ferrer nga wala sang dapat nga kahadlukan ang mga turista nga luyag magpadulong sa Guimaras.
