ILOILO – Ginhangkat sang Department of Health 6 ang mga pumuluyo nga magpabakuna na sang Polio Vaccine agud ma proyektahan ang ila kaugalingon batok sa nasambit nga virus.
Sa interview sang Bombo Radyo kay Dr. Mary Jane Juanico, Medical Officer III sang Department of Health 6 iya ginpahayag nga ang wala na sang iban pa nga pamaagi agud maprotektahan ang aton kaugalingon sa virus kundi ang polio vaccine lang.
Suno sa iya mahimo nga magpadulong ang mga pumuluyo sa ila nga tagsa ka Local Health Center kag mag avail sang Oral Polio Vaccine.
Dugang sang natungdan, seryoso nga problema kag balatian ang Polio bangud posible ini tunaan sang kamatayon sang mga kabataan kun indi gilayon nga matapna.
Sa pihak sini nagpasigurado si Juanico nga humalin pa sang 2015 ginatinghuaan na sang Department of Health nga mangin injectables na ang vaccines agud mas madasig nga matapna ang nasambit nga balatian.
