ILOILO – Duha ka dangaw nga crack ukon litik sa naidalom nga parti sang cargo pumpboat ang gintunaan sang paglugdang sini malapit sa port sa Fort San Pedro, Iloilo City.
Sa interview sang Bombo Radyo kay Captain Erlinda Benliro, station commander sang Philippine Coast Guard-Iloilo iya ginpahayag nga bag-o lang nakahalin sa Parola Wharf ang MB/CA Tassel sang namutikan sang kapitan nga may yara ini sang crack rason kun ngaa amat-amat nga nag sulod ang tubig.
Suno kay Benliro gintinguhaan pa kun tani sang kapitan nga pabalikon ang pumpboat sa port apang wala na ini nakalab-ot sang nag agi ang isa ka fast craft kag didto na ini ginsudlan sang tubig kag naglugdang.
Nahibaluan nga karga sang nasambit nga bangka ang 160 ka sa sako sang bugas kag iban pa nga mga produkto nga inugbaligya.
Samtang tsekyaron naman sang Philippine Coast Guard ang nasambit nga pump boat agud mahibaluan kun ano pa ang gintunaan sang paglugdang sini agud malikawan pa nga matabo ini sa iban nga bangka.
