ILOILO – Posible na nga mabaton sang mga empleyado sang Iloilo Provincial Capitol subong nga tuig ang ila nga Performance Based Bonus.
Sa interview sang Bombo Radyo kay Atty. Suzette Mamon, Provincial Administrator – Province of Iloilo iya ginpahayag nga sang gintalikdan nga tuig 2017 pa kun tani ipanghatag ang Performance Based Bonus sang mga empleyado sa Provincial Capitol apang bag-o lang nila nabaton ang opisyal nga notice nagikan sa Department of Interior ang Local Government.
Suno kay Mamon, nakadepende naman ang balor sang kwarta nga mabaton sang kada empleyado sa ranko sang ila nga opisina kag sa ila man nga performance nga base sa ginapatigayon nila nga evaluation kag assessments kun sa diin kun yara ka sa top 4, makabaton ka sang 65% sang imo nga sweldo, lower 2nd-tel 57% kag 50% naman sa yara sa mas manubo nga ranko.
Dugang sang natungdan, nagakadapat nga magbuligay ang kada opisana agud magtaas ang ila nga ranko kag makakuha sila sang mas mataas nga bonus.
Santo sa pahayag ni Mamon, nabaton naman nila ang kopya sang administrative order nga gin isyu ni Presidente Rodrigo Duterte kun sa diin makabaton sang P10,000 para sa mga empleyado sang gobyerno.
Ginpahayag sang natungdan nga, ginahulat nalang nila ang mga pagsulundan nga iga isyu sang Department of Budget and Management agud mahatag na ang nasambit nga bonus.
