ILOILO – Nagpamalibad nga magsabat ang mga sidewalk vendors kun ngaa nagbalalik sila sa pagbaligya sa higad sang dalan apisar sang pagdumili ni Iloilo City Mayor Jerry Treñas.
Sa interview sang Bombo Radyo kay Mr. Jimmy Durado, anay presidente sang Iloilo City Sidewalk Vendors Association iya ginpahayag nga gintugutan nila nga magbaligya ang mga vendors humalin lang sa ala sais sang gab i tubtub las 6 sang aga.
Suno kay Durado, aminado siya nga ang tuman ka hinay nga baligyaanay sa Cacho Property ang rason kun ngaa gintugutan nga magbaligya ang pila ka mga manugbaligya.
Apang wala sa gihapon nila gina rekomendar nga magbalik sa pagbaligya sa higad sang dalan bangud man sa pagdumili sang alkalde rason nga sila nga mga opisyal sang asosasyon ang nagpabilin sa Cacho Property apisar ang tuman ka hinay nga baligyaanay.
Nahibaluan nga sa paglibot sang Bombo News Team, apisar aga, may yara sa gihapon sang mga pasaway nga mga vendors nga nagabaligya sa dalanon apisar sa tion sang adlaw.
