ILOILO – Duha lang ka banwa ang ginhatagan sang probinsya sang Guimaras sang otoridad nga magbaligya sang mga palupok.
Ang banwa lang sang Buenavista kag Jordan ang ginhatagan sang otoridad nga magbaligya sang mga palupok subong nga tuig.
Sa interview sang Bombo Radyo kay Reynaldo Fullon, isa ka manugbaligya sang palupok iya ginpahayag nga maiwat ang baligayaanay subong nga tuig apang wala sila sang mahimo kundi ang mag agwanta na lang bangud ini lang ang ila nga pangabuhian.
Suno kay Fullon, ini lang ginasaligan nila subong nga bag o nga tuig apang tuman ka hinay ang ila nga kita apisar nga duha nalang ka banwa ang gintugutan sang probinsya nga magbaligya.
