ILOILO – Nagapabilin sa gihapon nga makaluluoy ang sitwasyon sang mga biktima nga paglupok sang bulkang Taal.
Sa interview sang Bombo Radyo kay Kgwd. Rhomar Martirez, President – Guardians Royal Brotherhood Zebra Chapter iya ginpahayag nga sa iya personal nga pagpadulong sa bahin sang Brgy. Dapdap East, Tagaytay agud manghatag sang relief goods nakita niya mismo ang epekto sang ash fall nga nagikan sa bulkan.
Suno kay Martirez, kalabanan nga naapektuhan amo ang mga pananom sa palibot sa diin nagkalasunog ini bangud sa kainit sang abo.
Sa bahin naman sang mga biktima, isa sa pinaka dako nga problema nila subong amo ang supply sang malimpyo nga tubig,
Nanawagan naman sang dugang pa nga bulig ang natungdan para sa mga biktima bangud tuman nila ini nga kinahanglan subong.
