ILOILO – Indi apektado si Iloilo City Councilor Ely Estante sa negatibo nga komento sa iya matapos ang pagpahayag niya sang pagkadismaya bangud wala sila gin abi-abi sa Dinagyang Festival 2020.
Sa interview sang Bombo Radyo kay Estante, iya ginpahayag nga luyag niya nga mangin pahanumdom ang natabo sa madasun nga paghiwat sang ano man nga kahiwatan nga nagakadapat nga may yara sang protocol officer sa tagsa ka programa.
Gin-athag man ni Estante nga wala siya nagareklamo bangud wala nalawagan ang iya nga pangalan.
Suno sa natungdan, nagakadapat lang nga tamyawon ang tanan nga opisyal sang syudad sang Iloilo sa tion nga may yara sang dalagku nga kahiwatan agud nga wala sang pinilian.
