ILOILO – Ginathag ni Pol Maj Jonathan Pinuela, pinuno sang Provincial Special Operations Group nga legal ang ginpatigayon nila nga raid sa Stephanie Coliseum sa Brgy. Balabag, Dumangas Iloilo.
Sa interview sang Bombo Radyo kay Pinuela, iya ginpahayag nga kun indi legal ang ginpatigayon nila nga raid indi pagbatunon sang piskal ang kaso nga ginpasaka nila sa 154 ka mga sabungero nga nadakpan sa nasambit nga sabungan.
Suno kay Pineula, wala nila gina kwestiyon ang legalidad sang Stephanie Coliseum bangud sa pagkamatuod, lehitimo ini kag kompleto sa dokumento kag prangkisa.
Apang ang problema amo ang pagpatigayon nila sang pauwak 100 ka metro sa gwa sang lehitimo nga bulangan.
Dugang sang natungdan, ang special permit nga ginapahayag nakuha sang tagdumalahan sang Coliseum ang ginapahanugutan lang sa sulod sang tatlo ka adlaw lakip ang adlaw ang adlaw sang kapyesthan.
Ang termino naman nga pintakasi nga gingamit nila ang ginapatigayon lang kada may yara sang kapyestahan sa ngalan sang isa ka patron.
Santo sa pahayag ni Pinuela mahimo man magpangatubang sang kaso bangud may yara sang mga nakit-an nga menor de edad sa sulod sang bulangan.
Madumduman nga napasakaan na sang kaso ang 154 ka mga nadakpan nga nagpatigayon sang pauwak.
Samtang, suporta naman mi Pol Col Roland Vilela ang nangin pahayag ni Pineula.
Suno kay Vilela, nagakadapat nga specific ang ginapatigayunan nila sang sabong ukon yara lang sa sulod sang lehitimo nga lugar nga nakabutang sa ila nga permit.
Dugang sang natungdan, nagakadapat man nga wala sang presensya sang menor de edad sa sulod sang isa ka bulangan.
Ginpanginwala man ni Vilela ang alegasyon nga sya ang manginpulos sa dako nga kantidad nga recoveries sa nasambit nga operasyon.
Santo sa pahayag sang natungdan, indi niya pag gub-on ang iya pangalan bangud sa kwarta kag indi matuod ang anuman nga alegasyon batok sa iya.
