SINGAPORE – Ginevacuate sang pinakadako nga bangko sa Singapore ang yara sa 300 nila ka mga staffs bilang kabahin sang ila precautionary measure matapos nga nakumpirma ang isa ka kaso sang COVID-19 sa nasambit nga bangko.
Sa interview sang Bombo Radyo kay Bombo International Correspondent Mercy Saavedra Cacan direkta sa Singapore iya ginpahayag nga nagikan sa ika-43 nga panalgan nagikan ang nagpositibo sa nasambit nga virus.
Suno kay Cacan, igapaidalom sa 14-days quarantine ang mga nasambit nga staffs kag magapabilin sa ila tagsa ka mga panimalay samtang padayon nga ginamonitor sang gobyerno ang ila nga sitwasyon.
Samtang sa pihak sang padayon nga pagpamahog sang nasambit nga virus, ginpahayag ni Cacan nga nagpasalig ang gobyerno sang Singapore nga apisar sang pagpanic buying sang mga tawo wala sa gihapon sang kakulangan sang supply sang pagkaon kag iban pa nga mga balaklon.
Sa subong nagdangat na sa 50 ang kumpirmado nga nagpositibo sa COVID-2019 sa Singapore kag ini ang may yara sang pinakamataas sang kaso sang nasambit nga virus sa gwa sang China sa diin 15 diri ang na discharge na.
