ILOILO – Hingagawon sang Provincial Government ang pagbakal sang mga thermometer nga ipahamtang sa mga port of entry sa probinsya sang Iloilo agud bilang kabahin sa gihapon sang preventive measures batok sa Coronavirus Disease (COVID)-19.
Sa interview sang Bombo Radyo kay Atty. Suzette Mamon, Provincial Administrator, iya ginpahayag nga pagagamiton ang mga thermometer agud hibaluon ang temperatura sang mga pasahero nga nagasulod nga pasahero sa dulungkaan agud mahibaluan kun may yara sila sang simptomas sang nasamabit nga virus.
Suno kay Mamon, nagapangita na sila sang supplier sa diin mas madali ini nga mabakal agud magamit na.
Dugang sang natungdan, makig angot sila sa Philippine Ports Authority, MARINA kag personnels sang kada sakayang pandagat sa paggamit sang mga thermometer.
Ginatan-aw nga posible una nga magabaton sang mga thermometer amo ang dulungkaan sang Ajuy, Dumangas kag Estancia.
