Nagakadapaat lang nga athagun sang kongreso ang pahayag kun mahimo pa makapadayon ang operasyon sang ABS-CBN Corporation tubtob 2022 apisar indi maaprubahan ang prangkisa sang network.
Suno kay Sen Grace Poe, nagakadapat lang nga sa Kongreso mismo maghalin ang opisyal nga pahayag verbally agud mapakita lang ang kortesiya nga ginhatag sang Kongreso kag National Telecommunications Commission.
Ini ang nangin pahayag ni Poe matapos nga ginpahayag man ni Sen Panfilo Lacson nga indi urgent ang isyu sa prangkisa sang nasambit nga network.
Maluwas nga wala sang aksyon nga nagikan sa Kongreso agud mapahulag ang layi, ginahingyo man ni Solicitor Gen Jose Calida sa Korte Suprema nga gilayon na nga pauntaton ang prangkisa sang network bangud sa pila ka mga nakit-an nga bayolasyon.
