ILOILO – Nagpaandam ang Iloilo Police Provincial Office sa mga nagapatigayon sang ilegal nga pasugal sa mga namatyan sa probinsya sang Iloilo.
Sa interview sang Bombo Radyo kay PMSGT Francisco Lindero Jr., tagapamaba sang Iloilo Police Provincial Office, iya ginpahayag nga pasugtan lang nila ang pagsugal sa namatyan tungod ina ang makabulig man sa pamalay apang sa tion nga ma monitor nila nga ginagamit ini nga palangabuhian pagadakpon sang nila ang mga nagapatigayon sini.
Suno kay Lindero, kinahanglan man nga may yara sang nagakaigo nga impormasyon ukon ebidensya antes patigayunon ang operasyon.
May yara sang intel operatives nga naga libot sa bulig man sang force multipliers nga amo ang naga pahibalo sa kapulisan kag nagakadapat nga siguraduhon man bag-o magpatigayon sang operasyon.
Sa subong, wala pa sang may namonitor nga ginahimo nga pangabuhian ang pasugal sa namatyan apang padayon nga naga paandam ang kapulisan nga indi gid ini pag himuon.
