ILOILO – Gina-imbitar ni Iloilo Governor Arthur Defensor Jr. ang tanan nga magpakigbahin sa paglunsyar sang Limpyo Iloilo ukon ang province-wide clean up 4:00 karon sa hapon.
Sa interview sang Bombo Radyo kay Defensor, iya ginpahayag nga antes patigayunon ang Limpyo Iloilo, may yara man sang hiwaton nga briefing, 3:00 sa hapon.
Suno kay Defensor, katuyuan sang programa nga malimpyuhan ang probinsya sang Iloilo para sa ikaayong lawas sang mga pumuluyo lakip na ang pagbato sa Dengue Hemmorhagic Fever.
Sa sini nga paagi, mabuhi liwat ang 4 o’clock habit agud maandan na ang pagpanglimpyo kag ia man ini ka paagi agud mas mapasangkad ang solid waste management nga programa sang probinsya.
Nahibaluan ang nasambit nga convergence clean-up ang pakigbahinan sang Department of Education, Department of Environment and Natural Resources, Department of Interior and Local Government, Department of Public Works and Highways, mga non-government organizations, people’s organizations kag mga local government units.
