Posible nga sa Agosto pa magasugod ang hearing sa Kamara sang 11 ka hagna sa House Legislative Committee para sa franchise renewal application sang ABS-CBN.
Suno kay House Speaker Alan Peter Cayetano, madamo pa sang mas importante nga hagna nga prayoridad nga mapasar sa kongreso kaangay na lang sang Comprehensive Income Tax and Incentives Reform Act nga ginalauman nga magahatag sang madamo nga trabaho para sa mga Pilipino.
Nanindugan naman si Cayetano nga indi nagakadapat nga pangunahan sang Senado ang Kamara sa pagpatigayon sang hearing may kaangtanan sa prangkisa sang ABS-CBN bangud paglapas ini sa layi.
Sa subong, mas maayo suno sa natungdan nga pamatian anay nila ang tanan nga opinyon natuhoy sa franchise renewal application sang nasambit nga kompanya kag matapos sini, paga-istoryahan nila kun ano ang mas makapaayo nga desisyon.
