ILOILO – Mas madamo ang supply sang ilegal nga droga sa Bacolod kung ikumpara sa Albuera kag Misamis .
Sa interview sang Bombo Radyo kau Pol Lt Col Jovie Espenido, tingi-tingi ang pagbaligya sang droga sa Bacolod apang kung tingbon, madamo man.
Suno kay Espenido, sa iya gin halinan sa Albuera kag Misamis, kinilo ang baligya-anay didto apang mas madamo sa gihapon ang supply sa Bacolod.
Dugang pa ni Espenido, ang pagkadalahig sang iya nga pangalan ang natabuan lang nga na assign sya Bacolod bangud ginpahayag man niya nga sang nakaligad, nadala ang iya nga pangalan sa listahan apang na clear man ini.
Santo sa pahayag sang natungdan, kun siya ang hatagan sang opurtunidad nga magbalik sa Bacolod, mabalik siya kag tapuson ang iya nga gin sugudan.
Ginbuyagyag man ni Espenido nga may yara siya sang nahibaluan nga mga taga gobyerno nga naga protekta sa mga naga duso sang ilegal nga droga.
Ginpasalamatan man sang natungdan ang mga katapos sang media bangud pat-ud niya nga sila ang kabulig niya sa iya away kontra iligal nga droga.
Samtang, bangod sa ginkaulamiran nga kontrobersiya, nagpangayo siya sang pasaylo sa publiko nga nagapati sa iya kung nadismaya sila.
Ang ginahingyo lang niya nga indi siya paghusgahan bangud ang Ginoo lang ang nakahibalo kung ano ang matuod.
Gin-ako ni Espenido mangin siya ang indi eksemsyon sa iya gin ubra nga sala kung siya ang may sala gid man.
Nagpangayo man siya sang bulig ilabi na sang pangamuyo agud nga mangibabaw ang matuod. Kung may bag-uhon nga sistema, dapat nga bag-uhon kag suno sa iya, ang Ginuo lang ang makabulig sa sini nga problema.
