Nabutang subong sa peligro ang produksyon sang pinaka matam-is nga mangga sa bilog nga kalibutan nga nagikan sa pungsod Pilipinas bangud sa pagpang-atake sang Cecid fly nga isa ka sahi sang peste.
Ginmanduan na ni Department of Agriculture William Dar si Undersecretary Evelyn Lavina nga magpatigayon sang high-value programa agud mabuligan ang research and development intiatives sang ahensya nga makasolbar sa problema sa Cecid fly ukon mas kilala bilang ‘kurikong’.
Sa subong gina tapos na sang Department of Agriculture ang ila pagpanalawsaw kun paano masolbar ang nasambit nga problema kag nagalaum sila nga gilayon na ini nga matapos agud masugudan na ang proyekto sa masunod nga mga semana.
Nahibaluan nga nagdangat ba sa 737,928 metriko tonelada ukon katumbas sang P24 bilyon na sang mga mangga ang naapektuhan sang nasambit nga peste.
Base sa data sang Philippine Statistics Authority, nagdangat na sa $17.88 milyon ukon masobra sa P8 bilyon sang gintalikdan nga tuig ang na export nga fresh mango kag dried mangoes sang pungsod nga mas mataas sang $% sang 2018.
