Ipatuman na sang Department of Environment and Natural Resources ang paggamit sang single use plastics sa tanan nga mga government offices sa Pilipinas.
Ini matapos nga ginpirmahan na ni National Waste Management Commission Chairman kag Department of Environment and Natural Resources Secretary Roy Cimatu ang joint resolution nga maga ban sa paggamit sang mga single-use plastics.
Suno kay Cimatu, paagi sa nasambit nga resolusyon amat-amat nga masolbar ang problema sang pungsod sa mga plastic kag basura nga masami nagakadto sa dagat kag nangin rason sang pagkamatay sang kabuhi sa idalom sang dagat.
Ipatuman ang nasambit nga resolusyon sa tanan nga ahensya sang gobyerno, local government units kag government controlled offices.
Nalakip sa ban amo ang mga plastic nga baso, drinking straws, coffee stirrers, disposable nga kutsara kag tinidor, plastic knives kag sando bags.
Dugang ni Cimatu, makig-angot man sila sa Civil Service Commission agud istoryahan ang natuhoy sa penalty kag sanction nga posible atubangon sang mga opisina nga wala nagasunod sa nasambit nga resolusyon.
