Ginpanginwala sang Tokyo Olympics 2020 organizing committee ang mga ispekulasyon nga posible makansela ang paghiwat sang Summer Olympics sa Hulyo.
Sa pahayag sang komite, magapadayon ang ila nga preparasyon para sa Olympics base sa ila nga naplanuhan.
Magapadayon man ang ila pagpakig-angot sa iban pa nga mga organisasyon nga nakatutok sa pag-monitor sa anuman nga insidente kag kaso sang COVID-19.
Ginpahayag naman sang International Olympic Committee nga kadungan sang ila nga preparasyon para sa sporting event amo ang pagpatuman sang countermeasures batok sa nasambit nga virus.
Una na nga ginpahayag ni Senior International Olympic member Dick Pound nga kun mapamatud-an nga peligruso ang paghiwat sang Olympics sa Tokyo bangud sa COVID-19, posible nga kanselahun nalang ini sang mga organizers sa kabaylo nga halinon ang schedule.
Suno pa kay Pound, may yara pa sang tatlo ka bulan agud madesisyunan ang final nga schedule sang Olympics.
Dugang sang natungdan, posible man nga magkapagwa na sang desisyon ang mga organizers sa ika ulihi nga semana sang Mayo.
Santo man sa pahayag ni Pound, antes nila ipagwa ang pinal nga desisyon pagakonsultahon pa nila ang World Health Organization.
