Natalana nga magpasaka sang petition ang mga Senador, buwas nga adlaw, may kaangtanan sa Visiting Forces Agreement sa tunga sang Pilipinas kag Estados Unidos.
Suno kay Senate Presidente Vicente Sotto III, buwas pagkatapos sang session sa senado, igapasa nila ang nasambit nga petisyon.
Ginpahayag ni Sotto nga nagapati siya nga madamo nga senador ang indi pabor sa pagbasura sang nasambit nga kasugtanan.
Nagalaum ang natungdan nga pamatian sila sang korte suprema kag sa tion nga kinahanglan sang concurrence sang Senado, tun-an sang mga senador ang Visiting Forces Agreement kag iban pa nga defence treaty.
Mangin epektibo ang pagbasura sang nasambit nga kasugtanan sa Agosto ukon 100 ka adlaw matapos ginpagwa sang presidente ang desisyon.
Madumdman nga una na ginpahayag ni Presidential Spokesperson Atty. Salvador Panelo nga sundon nila ang mangin desisyon sang korte suprema.
