Posible nga ipasuspinde ni Presidente Rodrigo Duterte ang operasyon sang kontrobersyal nga Offshore Gaming Companies sa pungsod.
Ini ang ginpahayag ni Presidential Spokesperson Salvador Panelo matapos ang ginapahayag illegal nga operasyon sang POGO.
Suno kay Panelo, indi na paga kunsitihon ni Presidente Duterte ang mga ilegal nga buluhaton kag nagalapas sa layi sang pungsod.
Dugang sang natungdan, wala sila sang palampason Chinese national man ukon miyembro sang administrasyon.
Bangud sa alegasyon sa POGO pat-ud sang Malacañang nga madamo ang may luyag nga ideklarar ini nga ilegal apang suno kay Panelo, hulaton pa nila ang rekomendasyon sang Senado may kaangtanan sa nasambit nga isyu.
Nahibaluan nga isa sa mga isyu nga gina-angot sa POGO amo ang kaso sang money laundering sa pungsod nga gina-imbestigahan na subong sang Department of Finance.
