KOREA – Nagpadala sang condolence letter si North Korean leader Kim Jong Un kay South Korean President Moon Jae-in may kaangtanan sa gina atubang nila nga coronavirus outbreak.
Nakasaad sa nasambit nga sulat ang paglaum ni Kim nga malumpawasan sang South Korea ang nasambit nga krisis sa diin naglab-ot na sa 438 ang pinakabag-o nga kaso sang COVID-19 sa nasambit nga pungsod.
Paagi man sa isa ka sulat, ginpalab-ot sang South Korean leader ang iya pagpasalamat kay Kim.
Ginkumpirma naman sang North Korea nga wala pa nakasulod sa ila nga teritoryo ang virus apang suno sa mga South Korean spy agencies ginpaidalom na sang North Korea sa quarantine ang halos 7,000 ka tawo.
Madumduman nga una na nga ginsarado sang North Korea ang ila nga border para sa tanan nga foreign nationals bilang kabahin sang ila preventive measures agud malikawan nga magsulod ang nasambit nga virus sa ila nga lugar.
