ILOILO CITY– Nagapasalamat ang isa ka konsehal sang Iloilo nga wala siya sang sintomas nga nabatyagan apisar nagpapicture sa iya ang nagpositibo sa coronavirus disease 2019 sa probinsya sang Capiz.
Sa interview sang Bombo Radyo kay Iloilo Councilor Jay Treñas, iya ginpahayag nga nakibot siya sang naglinagaw na ang picture nga upod sini ang nagpositibo sa virus sa kaiping nga probinsya.
Pahayag pa ni Treñas, matapos sang convention, gilayun man siya nga nagpauli kag wala na sang iban pa nga travel history.
Magapabilin siya sa ila panimalay suno sa konsehal kag mag-paidalom sa quarantine.
Ginapangabay man ang iya mga kaupod nga himuon ang nasambit nga lihok.
Ang mahimo niya sa subong suno kay Treñas amo ang magpabilin nga healthy, mag-obserba sang palibot kag sundon ang physical distancing.
