ILOILO CITY- Yara na sa maayo nga kondisyon ang pulis nga nalakip sa listahan sang mga Persons Under Monitoring.
Sa interview sang Bombo Radyo kay Iloilo City Police Office Director Police Colonel Eric Dampal, iya ginpahayag nga estable na ang kondisyon sang personnel nga na-assign sa Iloilo City Mobile Force Company nga nadestino sa checkpoint sa Balabago sa distrito sang Jaro.
Suno kay Dampal, may yara sang travel history sa Metro Manila ang nasambit nga pulis kag ginapaidalom sa isolation.
Ang mga kaupdanan naman sang pulis suno kay Dampal ang nakatapos na sa 14 ka adlaw nga home quarantine apang wala anay ginpabalik sa duty.
