ILOILO CITY– Ginkumpirma ni Iloilo City Mayor Jerry Treรฑas nga may yara sang ginpaguwa nga bag-o nga numero sang mahimo makabaton sang Social Amerlioration Program sang Department of Social Welfare and Development.
Sa interview sang Bombo Radyo kay Treรฑas, iya ginpahayag nga sa una nga data sang ahensya, ginabanta 86,000 ang mahimo mangin benipesyaryo apang sa ulihi, naglab-ot na lang sa 79,000 ang malakip sa listahan.
Ang ginbasehan sa una nga data suno kay Treรฑas, amo ang ratio kag proporsyon sa tagsa ka barangay tuhoy sa kun pila gid ang nagakadapat nga makabaton.
Isa sa problema sa subong suno sa alkalde amo nga may yara na sang listahan sang mga benipesyero santo sa una nga numero nga ginpaguwa sang ahensya.
Wala lang nakahibalo ang natungdan sang matuod nga rason sang pagpanubo sang numero sang mga benipesyaryo apang ang sigurado nga makabaton sang dugang nga ayuda ang mga miyembro sang Pantawid Pamilyang Pilipino Program.
Sa subong, unahon lang ang masobra 79,000 ka benepisyaryo bangud nagpasalig ang Department of Social Welfare ang Development nga pangitaan sang paagi agud mapasulod ang nabilin nga 6,000.
